जुट मिलमा आगलागी हुँदा रु छ लाखको क्षति
उर्लाबारी (मोरङ),माघ ६ –
मोरङको विराटनगर–२२ स्थित रघुपति जुट मिलमा आज बिहान आगलागी हुँदा रु छ लाख बराबरको क्षति भएको छ ।
मिलको स्पिनिङ शाखाको विद्युत् लाइन सर्ट भएर आगलागी भएको हो । आगलागीबाट चार थान स्पिनिङ मेसिन र छ टन तयारी कोप जल्दा रु छ लाख बराबरको क्षति भएको मोरङ प्रहरीले जनाएको छ । आगोलाई सोही मिलमा काम गर्ने मजदुरले नियन्त्रणमा लिएको थिए । – रासस
