प्रचण्डविरोधी र केपी ओलीको प्रवक्ता बनेको आरोपमा जाने भयो राजवंशीको सांसद पद !
काठमाण्डु, माघ ६ –
नेपाः राष्ट्रिय पार्टीले सांसद लक्ष्मण रजवंशीलाई कारबाही गरेको छ ।पार्टी नीतिविपरीतका गतिविधिमा लागेकाले राजवंशीलाई कारबाही गरिएको सो पार्टीले जनाएको छ ।
राजवंशीलाई साधारण सदस्यसमेत नरहने गरी निष्काशन गरिएको सो पार्टीका महासचिव विजयप्रकाश सैंजुले बताए । सैंजुले सरकारल संसदमा पेस गरेको संविधान संशोधन प्रस्तावविरुद्ध बोलेको र पहिचानविरोधी शक्ति एमालेलाई सघाएकाले राजवंशीलाई कारबाही गरिएको बताए ।
‘उहाँले पार्टीको नीतिविपरीत पहिचानविरोधीसँग घाँटी जोड्नुभयो’, सैंजुले भने, ‘पहिचानविरोधी र परिवर्तनविरोधी केपी ओलीको प्रवक्ताजस्तो भएर पहिचान पक्षधरको खिल्ली उडाउँदै हिंडेकाले साधारण सदस्यसमेत नरहने गरी निस्काशन गरेका छौं ।’
राजवंशी नेपाः पार्टीका समानुपातिक सांसद हुन् । सैंजुले राजवंशीले पटकपटकको मौखिक र निर्देशनको समेत अवज्ञा गर्दै प्रतिक्रियावादी आन्दोलनमा सहभागी भएको र पहिचानविरोधीको गोटी बनेको आरोप लगाए ।
