बुटवल,माघ ५-

बिक्री बितरण गर्न आबश्यक सुन नपाएको भन्दै रुपन्देहीका सुनचादी व्यवसायीहरु आन्दोलनमा उत्रीएका छन् । उनीहरुले जिल्लाभरका सुन पसल बन्द गरेका छन् ।

बिहेको सिजनमा सुनको माग बढे पनि १५ दिनमा जम्मा ३ किलो मात्रै सुन उपलब्ध भएपछि व्यवसायीहरु आन्दोलीत भएका हुन् ।
सुनचादी व्यवसायी संघका अनुसार रुपन्देहीमा करिब ३ सय ५० सुन पसल छन् ।तिनलाई दैनिक २ किलो सुनको आवश्यकता पर्छ ।

आन्दोलनमा उत्रीएका व्यवसायीले माग अनुसारको सुन उपलब्ध गराउन भन्दै प्रमुख जिल्ला अधिकारी मार्फत अर्थ मन्त्रालयमा ज्ञापन पत्र समेत पठाएका छन् ।

कतैबाट माग सुनुवाइ नभएकाले आज र भोलि २ दिनका लागि सुन पसल बन्द गरेको सुनचादी व्यवसायी संघ रुपन्देहीका अध्यक्ष बिक्रम बहादुर सुनारले बताए । आन्दोलनको थप रणनीति बनाउन संघको बैठक बसिरहेको छ ।