रुपन्देहीमा अझै नियन्त्रणमा आएन फौजी किरा

admin

भैरहवा,माघ ५ –

फौजी किराको प्रकोपले रुपन्देहीमा करिब ६ करोड ९० लाख बराबरको गहुँ बाली नष्ट गरेको छ ।

करिब १२ हजार हेक्टर गहुँ बालीमा फैलीएको प्रकोपले ३४ सय ५० मेट्रिक टन बराबरको गहुँ नष्ट गरेको कृषि विकास कार्यालयले जनाएको छ । २ हप्ता अघि देखि शुरु भएको फौजी किराको प्रकोप अझै नियन्त्रणमा आउन सकेको छैन् । शुरुमा रुपन्देहीको पूर्वी गाविसहरुबाट शुरु भएको प्रकोप पश्चिम तर्फ फैलिदै गएको छ ।

अहिले रुपन्देहीको १ नगरपालिका सहित १० गाविसमा प्रकोपका रुपमा फैलिएको फौजी किरा सामान्य रुपमा जिल्ला भरिनै फैलिएको कार्यालयले जनाएको छ । क्षेत्रीय कृषि निर्देशनालय पोखरा, क्षेत्रीय बाली संरक्षण प्रयोगशाला पोखरा र जिल्ला कृषि विकास कार्यालय रुपन्देही प्रको प नियन्त्रणमा जुते पनि नियन्त्रणमा आउन नसकेको हो । कृषि प्राविधिकहरु गाँउ गाँउमा गएर बिषादी प्रयोगका लागि किसानहरुलाई प्राविधिक सल्लाह दिइरहेका छन् । कार्यालयले करिब ७० हजार बराबरको बिषादी बढी प्रकोप भएका गाविसहरुमा बितरण गरेको छ ।