महिनाको २० लाखसम्म कमाउँछु : पशुपति शर्मा

काठमाडौं ,माघ,५-

पशुपति शर्मा नेपाली लोकदोहोरी क्षेत्रमा छुट्टै धार समाएका गायक हुन् । उनी गीतको लय तथा शब्द संकलनमा पनि अब्बल मानिन्छन् ।सामाजिक संस्कार र जीवनशैलीका मौलिक बोलीचालीको भाषालाई गीतमा उतार्नु उनको प्रमुख विशेषता हो ।

उनका गीत मनोरन्जनात्मकसँगै सन्देशमुलक पनि हुन्छ । आजको गज्जव साप्ताहिकमा उनको अन्तर्वार्ता छापिएको छ । उक्त साप्ताहिकलाई अन्तर्वाता दिने क्रममा उनले आफ्नो मासिक कमाई २० लाखसम्म हुने बताएका छन् । तपाईंको मासिक आम्दानी सरदर कतिदेखि कतिसम्म हुन्छ रु भन्ने प्रश्नमा शर्माले भनेका छन्,‘कहिलेकाहीँ नेपालमै ७–८ लाख हुन्छ ।कहिले २–३ लाख पनि हुन्छ ।

विदेशतिर पनि एउटा देशमा २०–२२ दिन बसेर १५–२० लाख बोकेर आइरहेका हुन्छौं ।नेपालमा यही मंसिर महिनामा मैले आठ लाख रुयैयाँ कमाएँ ।’