वृद्धाश्रम संचालानर्थ अक्षय कोषमा चुकेको सहयोग

चितवन, माघ १–

समाजसेवी दिनेशकुमार चुकेले देबघाट क्षेत्र बिकास समितिद्धारा संचालित देबघाटधाम समाज कल्याण वृद्धाश्रम संचालानार्थ स्थापित अक्षय कोषमा ५० हजार ५ सय ५५ रुपैयाँ प्रदान गर्नुभएको छ ।
आफ्नो छोरा दिवस चुकेको २२ औं जन्मदिनको अवसर पारेर उहाँले वृद्धाश्रम संचालानार्थ स्थापित अक्षय कोषमा सो रकम चेक मार्फत प्रदान गर्नुभएको हो । ६ वर्षअघि देखी आफुले देबघाटधाम समाज कल्याण वद्धाश्रममा माघे संक्रान्तीको अवसर पारेर एक छाक खाना खुवाउँदै आएको समेत उहाँले बताउनुभयो ।
सो अवसरमा देवघाटमा एक औपचारिक कार्यक्रम गरिएको थियो । देबघाट क्षेत्र बिकास समितिले आयोजना गरेको सो कार्यक्रममा प्रमुख अतिथीद्धय दिनेश चुके तथा उहाँकी धर्मपत्नी सन्ध्या चुके रहनुभएको थियो । बिशिष्ट अतिथीमा गोर्खा ब्रुअरी प्रा.लिका सिनियर प्रोडक्सन म्यानेजर सुरेशबहादुर सेन, सुभद्रा सेन रहनुभएको थियो । गोर्खा ब्रुअरी प्रा.लिका सिनियर प्रोडक्सन म्यानेजर सेनले पनि देबघाटधाम समाज कल्याण वृद्धाश्रम संचालानार्थ स्थापित अक्षय कोषमा ५ हजार १ सय ५५ रुपैयाँ प्रदान गर्नुभएको हो । कार्यक्रममा देबघाट क्षेत्र बिकास समितिका अध्यक्ष टंकनाथ पौडेलले वद्धवृद्धाहरु समाजको धरोहर तथा जिउँदो ईतिहास रहेकोले सम्मान गर्नुपर्ने र रेखदेख गर्नुपर्ने बताउनुभयो ।