चितवन,पुस २९-

चितवनकोे माडीमा हात्तीको आक्रमणबाट एक बालकको मृत्यु भएको छ ।जिल्ला प्रहरी कार्यालय चितवनका अनुसार आज बिहान चितवन निकुञ्जबाट बस्तीमा पसेको हात्तीको आक्रमणबाट माडी नगरपालिका वडा नम्वर ११ खरकट्ठाका १३ वर्षका सागर सुनारको मृत्यु भएको हो ।

राति २ बजेतिर हात्ती गाउँमा छिरेको थाहा पाएपछि घरबाहिर निस्किएका बेला उनलाई हात्तीले आक्रमण गरेको ईलाका प्रहरी कार्यालय माडीले जनाएको छ ।चितवन निकुञ्जको मध्यवर्ती क्षेत्रमा जंगली जनावरहरुले बस्तीमा पसेर मानिसलाई आक्रमण गर्दै आएका छन् ।