पूर्वमन्त्री विश्वनाथ साहलाई मातृ शोक
लहान, पुस २८ –
नेकपा ९माओवादी केन्द्र०का स्थायी समिति सदस्य एवम् पूर्वमन्त्री विश्वनाथ साहलाई मातृ शोक परेको छ ।
साहका आमा सागरदेवी साहको सिरहाको गोलबजार नगरपालिका–४ स्थित आफ्नै घरमा गएराति ९६ वर्षको उमेरमा निधन भयो ।
मुटु र दम रोगबाट लामो समयदेखि पीडित सागरदेवीको राति ९ बजेतिर निधन भएको पूर्वमन्त्री साहले जानकारी दिनुभयो । आमाको आजै गृह गाउँमै अन्त्येष्टि गरिने उहाँले बताउनुभयो । स्व साहको चार छोरा र दुई छोरी छन् ।
नगरपालिकाद्वारा कम्बल वितरण
सिरहाको सुखिपुर नगरपालिकाले बढ्दो चिसोलाई मध्यनजर गरी गरिब विपन्न परिवारलाई आज बिहान कम्बल वितरण गरेको छ ।
नगरपालिकाको विभिन्न वडाका ७५ जना अति गरिब, विपन्न, असहाय परिवारलाई कम्बल वितरण गरिएको नगरपालिकाका कार्यकारी अधिकृत जयराम पजियारले जानकारी दिनुभयो ।
विगत केही दिनदेखिको अत्यधिक चिसोका कारण अति गरिब विपन्न परिवार बढी प्रभावित भएकाले राहतस्वरुप कम्बल वितरण गरिएको कार्यकारी अधिकृत पजियारले बताउनुभयो । – रासस
