मञ्जरी फेसन मन्थको अडिसन सकियो
चितवन, पुस २५–
चितवनमा पहिलो पटक सञ्चालन गर्न लागिएको मञ्जरी फेशन मन्थको अडिसन राउण्ड सकिएको छ ।
दोस्रो चरणको अडिसन पछि मञ्जरी फेशन मन्थको स्टेजमा २० जना महिला तथा पुरुष मोडलले आफ्नो प्रतिभा देखाउने भएका छन् । मञ्जरी फेशन मन्थ हरेक तीन/तीन महिनामा आयोजना गरिने आयोजक मञ्जरी ग्रुपका अध्यक्ष बिशाल आलेले बताउनु भयो । अडिसनमा मञ्जरी ग्रुपका डाइरेक्टर निश्चल चापागाई, फेशन डिजाइनर नताशा आनन्द, कोरियोग्राफर प्रज्ञा तिवारी र मिस एरोमा चितवन इशा प्रधानले निर्णायकको भुमिका निर्वाह गरेका थिए ।
फाइनल कार्यक्रममा ३ वटा थिममा मोडलले आफुहरुलाइ प्रस्तुत गर्ने आयोजकको दावी रहेको छ । प्रतियोगितामा चितवनका मोडलहरुको सहभागिता रहनेछ ।
