बलिउडका यी हस्तीः जसको धेरै पटक प्रेम भयो तर विवाह भने हुन सकेन

admin

पुस १३ –

बलिउड सुपरस्टार सलमान खान ५१ वर्ष पुगे । उनी बलिउडका टप योग्य अविवाहितमा पर्छन् । सलमान खानले विवाह नगरेका हुन्, तर संगीता बिजलानी, सोमी अली, ऐश्वर्या राय, क्याटरिना कैफ, लुलिया वन्तुरसहित उनका कैयौँ चर्चित प्रेमगाथाहरु छन्, र, झन्डै यति नै युवतीहरुसँग नाम जोडिएको पनि थियो । सायद सलमान बलिउडका एक्ला नायक हुन्, जसलाई सबैभन्दा धेरै पटक प्रेम भयो, तर अफसोच, अहिलेसम्म विवाह भने हुन सकेन ।
सलमानबाहेक बलिउडमा यस्ता धेरै ३५ पार स्टार छन्, जसले अहिलेसम्म विवाह गरेका छैनन् । यसमध्ये एक हुन्–
कमेडियन, टेलिभिजन प्रस्तोता साथै नायक कपिल शर्मा ।
उनका फ्यानहरु कपिल विवाह बन्धनमा बाँधिउन भन्ने चाहन्छन् । तर, ३५ पार गरेका कपिललाई विवाहको कुनै हतारो छैन ।

मुकेश खन्ना
उमेरः ५८ वर्ष
मुकेश खन्ना एक भारतीय धारावाहिक तथा चलचित्र अभिनेता हुन् । उनको जन्म २३ जुन सन १९५८ मा मुम्बई महाराष्ट्रमा भएको थियो । उनको चलचित्र करियरको सुरुआत सन् १९८२ मा बनेको चलचित्र ‘रूह’ बाट सुरु भएको थियो । यिनले चलचित्रमा आफ्नो छवि ‘महाभारत’ मा ‘भीष्म’ को अभिनयबाट बनाएका थिए । यसैगरी ‘शक्तिमान’ धारावाहिकमा ‘शक्तिमान’ बनेर भूमिका निर्वाह गरेका थिए । यिनले सयौँ हिन्दी चलचित्रमा समेत अभिनय गरिसकेका छन् ।

मनिष मल्होत्रा (व्यावसायिक फेशन डिजाइनर)
उमेरः ५१ वर्ष
मनिष मल्होत्रा बलिउडका महसुर फेशन डिजाइनर हुन् । भारतीय सिनेमा र सौन्दर्य उद्योगका हस्तीहरु उनको डिजाइनमा र्याम्पमा उत्रन्छन् ।

राहुल बोस (कलाकार, निर्देशक)
उमेरः ४९ वर्ष
हिन्दी चलचित्रमा राहुल बोस कलाकार र निर्देशकका रुपमा ख्याती कमाएका छन् । उनले सन १९९८ मा आएको ‘बम्बे बोइज’ देखि सन २०११ को ‘कुछ लव जैसा’ सम्म २३ चलचित्रमा काम गरेका छन् भने, ‘एभ्री बडी सेज आइम फाइन’ को निर्देशन गरेका छन् ।

करन जौहर निर्माता, निर्देशक
उमेरः ४४ वर्ष
करण जौहर एक प्रसिद्ध भारतीय चलचित्र निर्देशक, उत्पादक, चलचित्र लेखक, कस्ट्युम डिजाइनर, अभिनेता र टेलिभिजन प्रस्तोता हुन् । उनी धर्मा प्रोडक्सनका प्रमुख हुन् । उनी सबैभन्दा बढी आम्दानी गर्ने चलचित्र उत्पादकका रुपमा नामी छन् । भारतीय चलचित्रमा पाश्चात्य अनुभूति भित्र्याउने श्रेय करणलाई जान्छ । उनी आदित्य चोपडाको चलचित्र ‘दिलवाले दुल्हनिया ले जायेंगे’ चलचित्रबाट अभिनयमा प्रवेश गरेका हुन् । अत्यधिक सफल चलचित्र ‘कुछकुछ होता है’ बाट उनले आफ्नो निर्देशनको करियर सुरु गरेका थिए । यो चलचित्रबाट उनलाई सर्वश्रेष्ठ निर्देशक, पटकथाकार लागि फिल्मफेयर पुरस्कार प्राप्त भएको थियो ।

अक्षय खन्ना
उमेरः ४१ वर्ष
अक्षय खन्ना हिन्दी चलचित्रका अभिनेता हुन् । उनी सत्तरीअसीको दशकका चर्चित अभिनेता विनोद खन्नाका छोरा र प्रसिद्ध भिजे एवम् अभिनेता राहुल खन्नाका भाइ हुन् । उनले सन १९९७ को ‘हिमालयपुत्र’ देखि २०१६ को ‘डिसुम’ सम्म झण्डै तीस बढी चलचित्रमा नायक र सहनायकको भूमिका निर्वाह गरेका छन् ।

प्रभास

उमेरः ३७ वर्ष
प्रभास राजु उप्पलपाटी एक भारतीय चलचित्र अभिनेत हुन् । मुख्य रुपमा प्रभास तेलुगु चलचित्रमा काम गर्छन् । उनी भारतीय चलचित्र जगतको सबैभन्दा महँगो चलचित्र बाहुबलीका नायक पनि हुन् । र, यसबाटै उनी अत्यधिक चर्चाको शिखरमा पुगे ।
उनले सन २००२ मा आएको ‘ईश्वर’ देखि ‘बाहुबली दी बिगिनिङ’ सम्म झण्डै २० वटा चलचित्रमा काम गरिसकेका छन् ।

तुषार कपुर
उमेरः ४० वर्ष
तुषार कपुर भारतीय चलचित्र क्षेत्रका चिनिएका अभिनेता हुन् । उनी भारतीय अभिनेता जितेन्द्रका छोरा र टेलिभिजन तथा चलचित्र जगतकी निर्माता एकता कपुरका भाइ हुन् । तुषारले सन २००१ म चलचित्र ‘मुझे कुछ कहना है’ बाट आफ्नो करियर सुरु गरेका थिए ।