नेपालगन्ज,पुस ११-

सोमबार साझ यौनधन्दा चलाउने नेपालगन्जस्थित होटलमा प्रहरीले छापा मारेको छ । बसपार्कस्थित होटल सिटी फुडमा प्रहरीले छापा मारेर ५ जनालाई पक्राउ गरेको बताईएको छ ।होटलबाट यौनधन्दामा संलग्न भनिएका ३ जनासहित होटलका संचालक र उनका भाईलाई पक्राउ गरिएको एक प्रहरी अधिकारीले जनाए ।

पक्राउ परेका सबैलाई अस्पतालमा मेडिकल जाँच गराएर थप अनुसन्धानका लागि जिल्ला प्रहरी कार्यालय लगेको बुझिएको छ । यस विषयमा बाँके प्रहरी प्रमुख टेक प्रसाद राईलाई पटक–पटक फोन गर्दा पनि उनको फोन उठेन ।होटल सिटी फुडमा यौनधन्दा भईरहेको समाचार ८ गतेको स्थानिय दैनिक अवध पोस्ट् दैनिकमा छापिएको थियो । स्टिङ् अपरेसनको भिडियोमा संचालकले आफुले चलाईरहेको यौनधन्दावारे बाँकेका प्रहरीहरु जानकारी रहेको बताएका थिए ।