काठमाडौं ,पुस ११ –

भुटानमाथि फराकिलो जित हात पार्दै नेपालले महिला साफ च्याम्पियपनसिनमा शानदार सुरुवात गरेको छ ।

सोमबार भएको आफ्नो पहिलो खेलमा नेपालले साबित्रा भण्डारीको डबल हृयाट्रिकको मदतमा भुटानलाई ८-० गोल अन्तरले हराएको हो ।

भारतको सिलिगुडीमा भएको खेलमा नेपालले सुरुवाति ३५ मिनेटमा पाँच गोल गरेको थियो । पाँचौं मिनेटमा गोलको खाता खोलेकी साबित्राले ९ र २३ औं मिनेटमा गोल गर्दै हृयाट्रिक पुरा गरिन् ।

२६ औं मिनेटमा सर्मिला थापाले गोल गरिन् भने ३५ औं मिनेटमा साबित्राले व्यक्तिगत चौथो गोल गर्दा पहिलो हाफमा नेपाल ५-० ले अगाडि रहृयो ।

दोस्रो हाफमा भुटानले केही सम्हालिएर खेल्न खोज्यो । तर, ७२ औं मिनेटमा साबित्राले गोल गरिन् । पाँच मिनेटपछि नै दीपा अधिकारीको क्रममा गोल गर्दै साबित्राले डबल हृयाट्रिक पुरा गरिन् ।

खेलको अन्तिम मिनेटमा कृष्णा खत्रीले गोल गरेपछि नेपाल ८ -० को फराकिलो गोल अन्तरले विजयी भएको छ ।