शाहरुख खानलाई उछिने सलमानले, बने सबैभन्दा बढी कमाउने सेलिब्रेटी

एजेन्सी,पुस १०-

हिन्दी चलचित्रका सुपरस्टार सलमान खानले शाहरुख खानलाई उछिन्दै सबैभन्दा बढी कमाउने सेलिब्रेटी बनेका छन् । उनी फोब्र्स इन्डियाले निकालेको बढी कमाउने सेलिब्रेटीको सूचीको पहिलो नम्बरमा आएका हुन् । फोब्र्स इन्डियाले १ सय जनाको सूचीमा खान पहिलो नम्बरमा परेको जनाएको हो ।

उक्त पत्रिकाका अनुसार सलमानको अनुमानित बार्षिक आम्दानी करिब २७० करोड भारतीय रुपैयाँभन्दा माथि रहेको छ । बढी कमाउनेको सूचीमा विराट कोहली, अक्षय कुमार र एम एस धोनी पनि रहेका छन् । तर, प्रसिद्धिको हिसाबले भने सलमान खान दोस्रो स्थानमा छन् । यसमा उनलाई विराट कोहलीले उछिनेका छन् । बढी कमाउने सूचीको दोस्रो नम्बरमा भने शाहरुख खान परेका छन् । उनको आम्दानी २२१ करोड भारु भन्दा माथि रहेको छ । एजेन्सी