नवलपरासीमा गैंडाको आक्रमणमा बालिकाको मृत्यु
कावासोती,पुस १०-
गैंडाको आक्रमणबाट आइतबार बिहान जिल्लाको कावासोती नगरपालिका-१५ शेरगञ्जमा एक जनाको मृत्यु भएको छ भने एकजना घाइते भएका छन् ।
घरको आँगनमा आगो तापिरहेको समयमा गैंडाले आक्रमण गर्दा स्थानीय ३ वर्षकी सोयता महतोको मृत्यु भएको ईलाका प्रहरी कार्यालय कावासोतीले जनाएको छ । गैंडाको आक्रमणबाट मृतककी हजुरआमा ७० वर्षीया बुद्धिकुमारी महतो गम्भीर घाइते भएकी छन् । जाडोको समयमा आँगनमा नातिनीलाई लिएर आगो तापिरहेको समयमा गैंडाले आक्रमण गरेको हो ।
घाइते महतो उपचारका लागि मध्यविन्दु सामुदायिक अस्पताल डण्डा ल्याउँदै गर्दा बाटोमा नै मृत्यु भएको हो । घाइते बुद्धिकुमारी महतोको पुरानो मेडिकल कलेज भरतपुर चितवनमा उपचार भइरहेको छ ।
