चितवन, पुस ८–

चितवनको भरतपुरमा शुक्रबार भएको खुल्ला रक्तदान कार्यक्रममा एक सय २ जनाले रक्तदान गरेका छन् ।
नारायणी मोटर्स नारायणगढ, एभरेष्ट बचत तथा ऋण सहकारी संस्था, रोटर्याक्ट क्लव अफ भरतपुर र लायन्स क्लव अफ नारायणगढ नारायणीको संयुक्त आयोजनामा नारायण्ी मोटर्सको परिसरमा आयोजित कार्यक्रममा १४ महिलासहित एक सय २ जनाले रक्तदान गरेको कार्यक्रम संयोजक अनुषा चुकेले जानकारी दिनुभयो ।
प्रत्येक तीन–तीन महिनामा आयोजना गरिने सो रक्तदान कार्यक्रममा रक्तदाताहरुको उत्साहजनक सहभागिता हुने गरेको छ । लायन्स क्लव अफ नारायणगढ नारायणीकी अध्यक्ष रजनी मास्केको प्रमुख आतिथ्यतामा भएको कार्यक्रममा नारायणी मोटर्सका प्रमुख एवंम समाजसेवी बालगोपाल चुकेलगायतको उपस्थिति रहेको थियो ।