‘राजा आऊ, देश बचाऊ…’ भन्दै काठमाडौंमा मोटर साइकल र्याली
काठमाडौं पुस ८ –
देशको पछिल्लो राजनीतिक अवस्थाप्रति असन्तुष्टि जनाउदै पूर्वराजा ज्ञानेन्द्र शाहले विज्ञप्ती प्रकाशित गरेको दुइदिनपछि राजतन्त्रका समर्थहरुले काठमाडौंमा मोटर साइकल र्याली निकालेका छन् ।
राजतन्त्रको पक्षधर र विभिन्न हिन्दुवादी संस्थामा आबद्ध व्यक्तिहरुले शुक्रवार काठमाडौंमा मोटर साइकल र्याली लिकालेका हुन् । राष्ट्रिय झण्डा बोकेर सडकमा आएका उनीहरुले ‘राजा आउ, देश बचाउ…’, ‘हिन्दु राष्ट्र जिन्दावाद’ जस्ता नारा लगाएका थिए । रत्नपार्कबाट निकालिएको र्यालीमा दुइसय भन्दा बढी युवा सहभागि थिए ।
यसअघि पूर्वराजा शाहले बुधवार एक विज्ञप्ती प्रकाशित गरि मुलुकको पछिल्लो राजनीतिक घटनाक्रमप्रति चिन्ता व्यक्त गरेका थिए ।
