चलचित्र ‘मेरो देश’को अडियो सार्वजनिक

काठमाडौं, पुस ७–

आउँदो फागुन ६ गतेदेखि देशभर एकैसाथ प्रदर्शनमा आउन लागेको चलचित्र ’मेरो देश’ को अडियो गीत सार्बजनिक गरीएको छ ।

युटयब मार्फत चलचित्रमा समाबेश चार गीतहरुलाई सार्बजनिक गरिएको हो । सार्बजनिक गीतहरुमा रातो टिका जमरा दशै लाग्यो रे , के सोचेको थिए,उकाली ओराली, डन्ट टच मि जस्ता गीतहरु रहेका छन । चलचित्रका गीतहरुमा बिबि अनुरागीले संगीत भरेका छन । चलचित्रमा रुपक चौधरी, अप्सरा सापकोटा, बन्दना मैनाली, बिबि अनुरागी, स्मृती शाही, स्वरुप रसाईली लगायतले स्वर दिएका छन । हाईलाईटस प्रलिले सार्बजनिक गरेको यो चलचित्रको गीतहरु चाडपर्ब केन्द्रीत तथा चलचित्रको कथाभित्र कथाले मागे अनुसार रहेको बताईएको छ । चलचित्रलाई देश नेपालले निर्देशन गरेका छन ।दुई साता अघि टिजर पोस्टर सार्बजनिक गरेको यो चलचित्रले केही समयमै प्रोमो रिलिजको तयारी गरीरहेको निर्माण पक्षले जनाएको छ ।

किरण राज थापाको सम्पादन रहेको यो चलचित्रको बितरण काठमाण्डौ उपत्यकामा बालाजी फिल्म्स सुनील मानन्धर र उपत्यका बाहीर एफ डी कम्पनीले गर्ने कार्यकारी निर्माता उदय सापकोटाले बताएका छन् ।