- TRENDING
- ENGLISH
हालको खबर
कावासोतीमा बिद्युत लाइन काट्दा रु एक करोड १७ लाख उठ्यो
कावासोती, पुस ७-
नेपाल बिद्युत वितरण केन्द्र कावासोतीले बिद्युत महसुल नतिर्ने ग्राहकको लाइन काटेर रु एक करोड १७ लाख ९४ हजार एक सय १५ रुपंैया असुल गरेको छ । पाँच महिनाको अबधिमा कावासोती केन्द्रले ५ सय ६२ ग्राहकको लाइन काटेको छ ।
हुकिङ्ग गरि बिद्यूत चोरी गर्ने ६ सय ४९ जनालाई कारबाही समेत गरेको नेपाल बिद्युत वितरण केन्द्र कावासोतीका प्रमुख उमेशप्रसाद यादवले बताए । मिटरबाट चुहावट गर्ने ग्राहकबाट मात्रै रु ६ लाख नौ हजार दुई सय ५७ असुल गरेको यादवले जनाए ।
बिद्युत वितरण केन्द्र कावासोतीले आफ्नो क्षेत्र भित्र चुहावट कम गराउन अभियान थालेपछि अनियमित तरिकाबाट बिद्युत प्रयोग गर्नेहरु निरुत्साहित भएका छन् ।
