संरक्षित वन्यजन्तु सालक फेला
बर्दिया, पुस ७–
संरक्षित वन्यजन्तु सालक बर्दियामा बुधबार फेला परेको छ । ताराताल सानोश्री नगरपालिका–७ गङ्गावस्तीमा उक्त सालक फेला परेको हो ।
एक्कासि बाटोमा सालक देखिएपछि स्थानीयले जिल्ला वन कार्यालयमा जानकारी गराएपछि वनको टोलीले सालकलाई सुरक्षित रुपमा कार्यालयमा ल्याएको जिल्ला वन प्रमुख बलिराम पण्डितले बताउनुभयो । सालकको अवैध कारोबारसमेत हुने गरेको छ । सालकको अवैधरुपमा सिकार, कारोबार गर्नैलाई पाँचदेखि १५ वर्षसम्म कैद वा रु ५० हजारदेखि एक लाखसम्म दण्ड जरिबाना हुने बताउनुभयो ।
फेला परेको सालकलाई बर्दिया राष्ट्रिय निकुञ्जमा पठाइने जिल्ला वन कार्यालयले जनाएको छ ।
