पत्रकार खतिवडालाई ‘उत्कृष्ट युवा पुरस्कार¹

काठमाडौं, मंसिर २५–

चितवनका पत्रकार विमल खतिवडा ‘उत्कृष्ट युवा पुरस्कार’बाट सम्मानित भएका छन् । पत्रकारिता क्षेत्रमा उल्लेखनीय योगदान पुर्याए बापत कान्तिपुर दैनिकका चितवन संवाददाता पत्रकार खतिवडालाई नेपाल जेसिजले नगदसहित स्वर्ण पदकले पुरस्कृत गरेको हो ।

काठमाडौंको धापासीमा आयोजित नेपाल जेसीजको ४३ औं राष्ट्रिय सम्मेलनमा खतिवडालाई नेपाली काँग्रेसका सभापति एवं पूर्व प्रधानमन्त्री शेरबहादुर देउवाले सम्मान गरेका हुन् । पत्रकार खतिवडालाई चितवनको विशहजार जेसीजले सिफारिस गरेको हो । विस हजार जेसीजका अध्यक्ष राजाराम परियारले सम्मानका लागि लगेका थिए । नेपाल जेसीज वर्ष २०१६ को उत्कृष्ट युवा छनौट समितिमा देशभरका जेसीज शाखाले सिफारिस गरेकाहरु मध्येबाट खतिवडालाई सम्मान गरिएको नेपाल जेसीजका तालिम आयुक्त सोमप्रसाद भण्डारीले जानकारी दिनुभयो ।

जेसीजले विभिन्न विधा गरी देशभरका १० जनालाई उत्कृष्ट युवा पुरस्कार प्रदान गरेको हो । यसैगरी कला साहित्यबाट नायीका ऋचा शर्मा, खेलकुदबाट महेश केसी र कान्छी माया कोजु, शिक्षाबाट शंकर चापागाई, चितवनका उच्च स्मरण शक्ति भएकी प्रतिष्ठा अमात्य, उद्योग ब्यापारबाट आशिष पराजुली, साहसी युवाबाट चित्रबहादुर कार्की र नेवारी संस्कृतिबाट अशिष्मा नकर्मीलाई सम्मान गरेको छ ।