सोलुखुम्बु । सोलुखुम्बु जिल्लाको माप्य दुधकोशी गाउँपालिका वडा नम्बर ४ काकुमा बेवारिसे शब फेला परेको छ । बिहिबार एक बृद्धाको शव बेवारिसे अवस्थामा लवखा खोला नजिकै फेला परेको जिल्ला प्रहरी कार्यालय सोलुखुम्बुले जनाएको छ ।

नामथर ठेगाना नखुलेको करिब ६५ वर्षीय बृद्धको शव वेवारिसे अवस्थामा फेला परेको प्रहरीले जनाएको छ । बिहान स्थानीयले शव देखेपछि प्रहरीलाई खबर गरेका थिए । घटनास्थलबाट प्रहरी परिचालन भइसकेको प्रहरीे जनाएको छ । घटनाको बिषयमा बिस्तुत विवरण आउन बाँकी छ ।