सोलुखुम्बु जिल्ला अस्पतालमै अक्सिजन उत्पादन सुरु
काठमाण्डौ । सोलुखुम्बुमा अक्सिजन उत्पादन सुरु गरिएको छ । जिल्ला अस्पताल फाप्लुमा नै १ करोड २८ लाख रुपैयाँको लागतमा अक्सिजन प्लान्ट जडान गरेसगै जिल्लामा अक्सिजन उत्पादन गर्न थालिएको हो ।
अस्पतालमा जडान गरिएको अक्सिजन प्लाण्टबाट २४ घण्टामा ४० वटा खाली सिलिन्डर भर्न सकिने छ । एक पटकमा ५ वटा सिलिन्डर ३ घण्टामा भरिने छ ।
अक्सिजन अभावमा कुनै पनि बिरामीले अकालमा ज्यान गुमाउनु नपर्ने भएसँगै जिल्लामै अक्सिजन उत्पादन सुरु भएपछि अक्सिजन भर्नका लागि लाखौ रुपैया खर्चिएर बाहिर जानुपर्ने बाध्यता हटेको छ ।
आवश्यकताका आधारमा जिल्ला अस्पतालको अक्सिजन प्लाण्टबाट उत्पादन भएको अक्सिजन जिल्लाका अन्य स्वास्थ्य संस्थाले पनि लैजान सक्ने अस्पतालले जनाएको छ ।
