सोलुखुम्बु । नेपाली कांग्रेस सोलुखुम्बुको सभापतिमा नाम्गे लजाङ्बु शेर्पाले बाजि मारे।

हिजो (मंगलबार) भएको दोस्रो चरणको निर्वाचनमा ८९७ मत खसेकोमा शेर्पाले १४२ मतान्तरले जीत हासिल गरेको हो ।

शेर्पाले कुल खसेको मतमा ५१३ मत प्राप्त गरे भने अर्का सभापतिका उम्मेदवार विनोद कुमार बस्नेतले ३७१ मत प्राप्त गरेका थिए ।

मंगलबार दिउँसो देखि शुरु भएको मतदान साँझ ६ बजेको पेरिफेरीमा सकिएको थियो । ९२३ क्षेत्रिय प्रतिनिधि रहेको सोलुखुम्बुमा पहिलो चरणको निर्वाचनमा ८८२ मत खसेको थियो । सभापति मात्र चयनका लागि भएको दोस्रो चरणको निर्वाचनमा १५ मत बढि खसेको थियो ।

पहिलो चरणमा पूर्व महाधिवेशन प्रतिनिधि राम बहादुर बस्नेतको सहित तीनजनाको उम्मेदवारी परेपछि नेपाली काङ्ग्रेसको विधान अनुसार ५० प्रतिशत मत कसैको नआएपछि पहिलो र दोस्रो मत ल्याउने बिचमा दोस्रो चरणको निर्वाचन भएको हो।