थुलुङ दुधकोशीमा अस्पताल निर्माणका लागि महायज्ञ शुरु
गाउँले न्यूज सम्बाददाता, ३ चैत्र, सोलुखुम्बु । थुलुङ दुधकोशी गाउँपालिकाको मुक्लिमा अस्पताल निर्माणका लागि श्रीमत भागवत ज्ञान महायज्ञ शुरु गरिएको छ ।
५० शैयाको दुधकोशी सामुदायीक अस्पताल निर्माणका लागि सप्ताहव्यापी महायज्ञको आयोजना गरिएको छ । उद्घाटन शनिबार गरिएपनि पण्डित दिनबन्दु पोखरेलले कथाबाचन आजबाट सुरु गरिएको हो । कथा बचन विहान १० देखि साँझ ५ बजेसम्म रहने गाउँपालिकाले जनाएको छ ।
महायज्ञको मायध्मबाट २० करोड सहयोग संकलन गर्ने र २० हजार भन्दा बढि आन्तरिक पर्यटक भित्राउने लक्षय राखिएको छ । संकलित रकमले आगामी दुई बर्ष भित्र सुविधासम्पन्न अस्पताल निर्माण गरिनेछ ।
