श्रीमतीको हत्या गरी विष सेवन
विराटनगर, माघ २७-
मोरङको सिजुवामा एक युवकले धारिलो हतियार प्रहार गरी आफ्नी श्रीमतीको हत्या गरेका छन् ।
मादक पदार्थ सेवन गरेका स्थानीय उदय सुतिहारले हिजो साँझ बासिलाले प्रहार गरेको प्रहरीले जनाएको छ । गम्भीर घाइते भएकी उनकी श्रीमती शान्ता सुतिहारको उपचारका क्रममा रंगेलीस्थित अस्पतालमा मृत्यु भएको थियो । घटनापछि ती युवकले विष सेवन गरेका थिए । उनको विराटनगरस्थित कोसी अञ्चल अस्पतालमा उपचार भइरहेको प्रहरीले जनाएको छ ।
