फेसबुक, एप्पल, गुगलसहित १२७ प्रविधि कम्पनी ट्रम्पको विरोधमा !

काठमान्डौं, माघ २६-

अमेरिकाका माइक्रोसफ्ट, एप्पल, फेसबुक, र गुगलसहित १२७ प्रविधि सम्बन्धी कम्पनीहरुले अमेरिकी राष्ट्रपति डोनाल्ड ट्रम्पले हालै घोषणा गरेको यात्रा प्रतिबन्धको निर्णयको विरोधमा उभिएका छन् ।

उनीहरुले ट्रम्पको निर्णयले आफ्नो व्यापारमा नोक्सान पुगेको भन्दै एक याचिकामा हस्ताक्षर गरेको बीबीसीले जनाएको छ ।सो कानुनी डकुमेन्टमा सुरुमा ९७ फर्महरुले हस्ताक्षर गरि बुझाएका थिए । पछि थप ३० फर्महरु पनि समावेस भएको बताइएको छ । सो याचिकामा ट्रम्पले सात मुस्लिम देशका नागरिकलाई तथा विश्वभरीबाट शरणार्थीलाई अमेरिका प्रवेशमा प्रतिबन्ध लगाउने काम गैरसंवैधानिक भएको पनि दाबी गरिएको बताइएको छ ।सो याचिका सान फ्रान्सिस्कोको एक अदालतमा दायर गरेको बताइएको छ ।

सो याचिकामा सात मुस्लिम बहुल देश नागरिकमाथिको प्रतिवन्धले आफ्ना कम्पनीमा काम गर्ने प्रतिभा खोज्न समस्या पर्ने बताइएको छ । ट्रम्पको सो आदेश अमेरिकाको सियाटलका एक न्यायाधिसको आदेशपछि निलम्बित अवस्थामा छ ।