- TRENDING
- ENGLISH
हालको खबर
नेपाल पुलिसलाई सुटिङमा स्वर्ण
विराटनगर, पुस १२ –
पूर्वाञ्चलमा जारी सातौंँ राष्ट्रिय खेलकुदअन्तर्गत महिला १० मिटर एयर राइफल टिम इभेन्ट्समा नेपाल पुलिसले स्वर्ण पदक हात पारेको छ ।
नेपाल पुलिसकी अस्मिता राई, फूलमाया क्याप्छाकी र दुर्गा सिङ्जालीको जोडीले कुल एक हजार १२२ अङ्क हासिल गर्दै स्वर्ण प्राप्त गरेका हुन् ।
रजत पदक प्राप्त गर्न सफल मध्यपश्चिमले एक हजार ६८ अङ्क हासिल गरेर रजत पदक प्राप्त गरेका छन् । मध्यपश्चिम टिममा शान्ति विष्ट, सीता सिंह र रुशी सोमै थापामगर थिए ।
यस्तै, बीना परियार, कल्पना परियार र सुबिना तामाङ सम्मिलित नेपाली सेनाको टिमले एक हजार ५४ अङ्क प्राप्त गरेर कास्य पदक पाए । – रासस
