चार कार्यालय प्रमुखको सौराहा स्वागत

चितवन, पुस ८–

क्षेत्रीय रेष्टुरेन्ट एण्ड बार एसोशियसन नेपाल रेवान, चितवनले जिल्लाका चार वटा कार्यालय प्रमुखहरुलाई स्वागत गरेको छ ।

क्षेत्रीय रेवान चितवनले शुक्रबार सौराहामा एक कार्यक्रमको आयोजना गरी प्रमुख जिल्ला अधिकारी नारायण भट्ट, प्रहरी उपरीक्षक दिपक थापा, शशस्त्र प्रहरी बल आँपटारीका प्रमुख श्याम कोईराला र अनुसन्धान उपनिर्देशक अच्युत पन्तलाई स्वागत गरेको हो । सो अवसरमा बोल्दै प्रमुख जिल्ला अधिकारी भट्टले विकृतीलाई हटाउँदै गुणस्तरीयतामा ध्यान दिन आग्रह गरे ।

सौराहाको रेस्टुरेन्ट व्यवसाय अन्यन्त्रको भन्दा फरक भएको उल्लेख गर्दै प्रमुख जिल्ला अधिकारी भट्टले यहाँ विकृती हुने गरेको भए त्यसलाई हटाउँदै अन्तराष्ट्रियस्तरमा राम्रो सन्देश प्रवाह गर्नु पर्नेमा जोड दिए । कार्यक्रममा रेवान चितवनका अध्यक्ष लालबहादुर भट्ट राजनले पछिल्ला वर्षहरुमा पर्यटन मैत्री प्रसासन आफुहरुले आभाष गरेको भन्दै निरन्तरता दिन प्रजिअ र प्रहरी उपरिक्षक समक्ष आग्रह गरे । भूकम्प, नाकाबन्दी र त्यसपछि अहिले नारायणगढ–मुग्लिन सडक खण्डका कारण पर्यटन व्यवसाय मारमा पर्दै गएकाले सो सडकखण्ड छिटो निर्माणका लागी पहल गरिदिन समेत उनले आग्रह गरे । रेवान चितवनका अध्यक्ष भट्टको अध्यक्षतामा भएको स्वागत कार्यक्रममा उपाध्यक्ष गोकर्ण गिरीले स्वागत मन्तव्य राखेका थिए ।