Gaule Khabar
बिहिबार, साउन २६, २०७९
Gaule Entertainment Media Group Pvt.Ltd.

माप्य दुधकोशी गाउपालिकाको पहिलो बैठक सम्पन्न

माप्य दुधकोशी गाउपालिकाको पहिलो बैठक सम्पन्न

काठमाण्डौ । सोलुखुम्बुको माप्य दुधकोशी गाउँपालिकाको पहिलो कार्यपालिका बैठक सम्पन्न भएको छ । बैठकले बजेट क्यालेण्डर लगायत अन्य विविध विषयमाथि निर्णय गरेको छ । असार ३, ४ र ५ गते भित्र वडाहरुले बजेट तर्जुमा गर्ने, असार ६, ७ र ८ गते भित्र गाउँपालिका स्तरीय बजेट तर्जुमा गर्ने र ९ गते कार्यपालिका बैठक गरेर १० गते गाउँसभा मार्फत बजेट घोषणा गर्ने क्यालेण्डर पारित गरेको हो ।

गाउँपालिका अध्यक्ष बुद्धिकिरण राईको अध्यक्षतामा सम्पन्न बैठकले योजना अनुगमन समिति, न्यायिक समिति, स्थानीय राजस्व परामर्श समितिसँगै अन्य ८ वटा विषयगत समिति गठन गरेको छ । बैठकले गाउँपालिका उपाध्यक्ष गौरब राईको संयोजकत्वमा गाउँपालिकाको योजना अनुगमन समिति, न्यायिक समिति र स्थानीय राजस्व परामर्श समिति गठन गरिएको छ ।

स्थानीय राजस्व परामर्श समितिको सदस्यहरुमा प्रकाश राई, मेलिना राई, जितेन्द्र कुमार यादव र सदस्य सचिवमा खगेन्द्र भट्टराई रहेका छन् । त्यस्तै योजना अनुगमन समितिको सदस्यमा भक्त राई र मेलिना राई रहेका छन् भने न्यायिक समितिको सदस्यहरुमा प्रकाश राई र सुष्मा विक रहेका छन् ।

कार्यपालिका बैठकबाट सार्वजनिक सेवा तथा क्षमता विकास समिति, सामाजिक विकास समिति, पूर्वाधार विकास समिति, विधेयक समिति, आर्थिक विकास समिति, वन, वातावरण तथा सरसफाई समिति, विपद् व्यवस्थापन समिति, सुशासन प्रवद्र्धन तथा सेवा प्रवाह समिति गठन गरिएको छ ।

सार्वजनिक सेवा तथा क्षमता विकास समितिको संयोजकमा सज्जन राई र सदस्यहरुमा किन्जु शेर्पा र सुष्मा विक रहेका छन् भने सामाजिक विकास समितिको संयोजकमा सगुजित राई र सदस्यहरुमा आङकाजी शेर्पा र चन्द्र बहादुर राई रहेका छन् ।

पूर्वाधार विकास समितिको संयोजकमा आङकाजी शेर्पा र सदस्यहरुमा रामप्रसाद मगर र चन्द्र बहादुर राई रहेका छन् । विद्येयक समितिको संयोजकमा कल्पना भुजले र सदस्यहरुमा प्रकाश खालिङ र अमित राई छन् भने आर्थिक विकास समितिको संयोजकमा अमित राई र सदस्यहरुमा भक्त राई र कल्पना भुजेल रहेका छन् ।

वन, वातावरण तथा सरसफाई समितिको संयोजकमा अविरल वाईवा र सदस्यहरुमा सज्जन राई र चन्द्र बहादुर राई रहेका छन् भने विपद व्यवस्थापन समितिको संयोजकमा भक्त राई र सदस्यहरुमा सगुजित राई र सज्जन राई रहेका छन् । सुशासन प्रवद्र्धन तथा सेवा प्रवाह समितिको संयोजकको संयोजक प्रकाश खालिङ र सदस्यहरुमा सज्जन राई र किन्जु शेर्पा रहेका छन् ।

बैठकबाट वडालाई केही सिलिङ बजेट दिने निर्णय गरिएको छ ।

तपाइको प्रतिक्रिया दिनुहोस्

Your email address will not be published.

हामी तपाईंको इमेल अरू कसैसँग साझा गर्दैनौं।

ट्रेन्डिङ