प्रेस युनियनलाई कँडेलको सहयोग
चितवन, पुस १०–
चितवन उद्योग संघका प्रथम उपाध्यक्ष तथा नेपाली काँग्रेसका नेता त्रिलोचन कँडेलले नेपाल प्रेस युनियन चितवन शाखालाई आर्थिक सहयोग गर्नुभएको छ ।
आज एक कार्यक्रमकाबीच शहरी विकास मन्त्री अर्जुन नरसिंह केसी मार्फत उद्योगी व्यवसायी कँडेलले २५ हजार रुपैयाँको चेक हस्तान्तरण गर्नुभयो । मन्त्री केसीले सो चेक युनियनका अध्यक्ष नारायणप्रसाद अधिकारीलाई प्रदान गर्नुभएको थियो । युनियनको भवन निर्माणार्थ सो रकम सहयोग गरिएको कँडेलले बताउनुभयो ।
युयिनको भवन गत वर्षको पुष १० गते आजकै दिन शिलन्यास गरिएको थियोे । हाल सो भवन निर्माण सम्पन्न हुने क्रममा रहेको छ ।
