छिनामखु घरभित्रको धुवाँमुक्त घोषित
भोजपुर, पुस ८ –
भोजपुरको छिनामखु गाविस बिहीबार एक कार्यक्रमबीच घरभित्रको धुवाँमुक्त गाविस घोषित भएको छ ।
भोजपुरलाई घरभित्रको धुवाँमुक्त घोषणाको लक्ष्यअनुसार सो गाविसलाई १९औँ घरभित्रको धुवाँमुक्त गाविस घोषणा गरिएको सामूहिक अभियानका कार्यक्रम संयोजक मिलन भण्डारीले जानकारी दिनुभयो ।
गाविस र सामूहिक अभियान भोजपुरको साझेदारीमा गाविसका पाँचसय ६० घरमा सबैले सुधारिएको चुल्हो निर्माण गरेपछि यो गाविसलाई घरभित्रको धुवाँमुक्त गाविस घोषणा गरिएको हो ।
यसैबीच, हालसम्म भोजपुरमा २० हजार पाँचसय ६० सुधारिएको चुल्होे निर्माण गरिसकेको बताइएको छ । – रासस
